उपप्रधानमन्त्री एवम् गृहमन्त्री महराद्वारा राजिनामा

काठमाडौँ, साउन ९ (नागरिक)- पार्टी केन्द्रीय कमिटीको बैठकले उपाध्यक्ष नारायणकाजी श्रेष्ठलाई सरकारमा पार्टीको नेतृत्व गरी पठाउने निर्णय गरेपछि उपप्रधानमन्त्री एवम् गृहमन्त्री कृष्णबहादुर महराले आफ्नो पदबाट आज राजिनामा दिएका छन्। उनले आज दिउँसो प्रधानमन्त्री झलनाथ खनाललाई भेटी राजिनामापत्र बुझाउनुभएको उनका प्रेस सहयोगी मनोज घर्ती मगरले जानकारी दिए। पार्टीले नयाँ मन्त्रीहरूको नाम छनोट गरिसकेको अवस्थामा नयाँ टिमलाई मार्गप्रशस्त गर्न राजिनामा दिएको उनले बताएका छन्।
यसअघि आज बिहान माओवादी अध्यक्ष पुष्पकमल दाहालले प्रधानमन्त्री झलनाथ खनाललाई उनकै निवास बालुवाटारमा भेटी पार्टीको निर्णय र नयाँ मन्त्रीहरुको सिफारिसको सूची बुझाएका थिए।